На ден 30.3.2024 год. во просториите на Природно-математичкиот факултет во Скопје се одржа Државниот натпревар по математика за ученици од средните училишта. На натпреварот учествуваа најдобрите ученици од претходно одржаните регионални натпревари, или вкупно 141 ученик од I до IV година од сите средни училишта од државата.
На овој натпревар од СОУ„Јосиф Јосифовски“ од Гевгелија учествуваа учениците од прва година:
-Андреј Димов (ментор Зоран Филов)
-Стефан Младеновски (ментор Јасмина Костова-Папалазова).
Ученикот Стефан Младеновски освои втора награда и, поради овој успех, беше поканет да учествува на Македонската математичка олимпијада што претставува голем успех за нашиот ученик и училиштето.
Македонската математичка олимпијада се одржа на 7.4.2024 во просториите на Природно-математичкиот факултет во Скопје. На олимпијадата се натпреваруваат најдобрите ученици од државниот натпреварод I до IV година и сите решаваат исти задачи.
Честитки за Стефан и му посакуваме уште многу натпревари и награди.
