Во учебната 1978/1979 година започнува со работа Угостителско-туристичка насока.
Угостителството претставува стопанска дејност која врши разни услуги на луѓето за задоволување на нивните потреби за сместување, исхрана, пијалаци, забава и разонода. Доколку подобро го разгледаме технолошкиот процес на работењето, ќе видиме дека угостителството е делумно услужна дејност, односно дека во своето работење врши и производство. Подготвувањето на храна и пијалаци има карактер на производен труд, а со тоа спаѓа во подрачјето на материјалното производство, а додека пак, изнајмувањето на соби претставува услуга, со што има карактер на непроизводствен труд.
Туризмот е стопанска дејност која настанала како резултат на масовното движење на луѓето заради задоволување на нивните потреби за одмор и рекреација. Туризмот е многу специфична стопанска дејност бидејќи претставува збир на различни дејности со кои се задоволуваат потребите на туристичките потрошувачи.
Готвач (тригодишно образование)
Приготвува прехранбени продукти за финализирање на различни видови готварски производи: ладни и топли предјадења, супи, чорби и потажи, основни сосови и фондови, јадења од месо, риби и ракови и морски плодови, прилози, вегетаријански јадења, салати, слаткарски производи, национални јадења, правилна храна; сервира, декорира и испорачува јадења во соодветни садови; води и ажурира евиденција за работата во кујната, работи во согласност со нормативите и гарантира за квалитетот на работа и услуги, како и извршува работи во согласност со прописите за заштита на работната средина и на околината. Со стекнување на квалификацијата, ученикот може да работи како Готвач.
Келнер (тригодишно образование)
Врши подготвителни работи во угостителскиот објект и во салата за послужување и применува кодекс на облекување; пречекува и прима гости, прима порачки и послужува гости со примена на угостителските техники на послужување; приготвува и послужува отворени, флаширани и мешани пијалаци и напитоци; врши пресметка на услуги и испраќа гости; работи во согласност со нормативите и гарантира за квалитетот на работа и услугите, како и извршува работи во согласност со прописите за заштита на работната средина и на околината. Со стекнување на квалификацијата, ученикот може да работи како Келнер.
Хотелско-туристички техничар (четиригодишно образование)
Извршува работни задачи на агенциски и рецепционерски службеник со цел задоволување на барањата на клиентите; резервација на услуги и софтверски програми во угостителско-туристичкото работење, креирање производи и услуги по желба на клиентот; врши работни задачи при пречекување, сместување и испраќање гости во угостителскиот објект и пресметување цени на угостителско – туристички производи и услуги. Со стекнување на квалификацијата, ученикот може да работи како Агенциски службеник, Рецепциски службеник.
Зошто да учите угостителство и туризам?
Ќе учите за дестинации, хотели, ресторани, туристички атракции, крстарења, настани, туристички услуги, туристички агенции, тур-оператори, превоз, авиокомпании и многу други работи кои заедно формираат една огромна индустрија.
Угостителството и туризмот се во постојан раст и има потреба од сè повеќе квалификувани работници и иноватори секоја година. Постојат толку многу добри причини зошто треба да учите угостителство и туризам. Туризмот е услужна индустрија. Насекаде во западниот свет услужните индустрии цветаат. Една од овие индустрии е угостителството и туризмот. Туризмот секоја година бележи огромен глобален раст и се предвидува да расте далеку во иднината. Дефинитивно е индустрија на иднината. Растот значи дека се повеќе квалификувани работници се потребни низ целиот свет.
Со проучување на туризмот стекнувате вештини и знаења за да бидете дел од овој раст. Со проучување на туризмот, вие се позиционирате точно во центарот на услугата. Учите вештини на комуникација и организација што се пренесуваат во многу други услужни дејности и индустрии. Учите како да создавате туристички патувања и незаборавни искуства за патникот. Секој турист има различни очекувања, мотивации, расположенија, искуства и мислења што ќе ја направат вашата работа интересна и, исто така, неверојатно, предизвикувачка.
Зошто да се запишеш во нашата струка?
Затоа што имаме современ наставен план и програми според кои се извршува теоретско-практичната настава;
Затоа што стекнуваш знаења, вештини и искуства неопходни за твојата успешна професионална иднина;
Затоа што туризмот и угостителството се една од најбрзорастечките дејности во светот;
Затоа што ќе имаш можности да учествуваш во значајни натпревари и манифестации;
Затоа што можеш да научиш странски јазици кои ќе ти бидат од огромна корист во професионалната кариера;
Затоа што во текот на наставата ќе имаш можност да учествуваш во организација и реализација на стручни патувања, посети и екскурзии;
Затоа што сакаш да патуваш, да запознаваш други култури и народи.