ЗДРАВСТВО И СОЦИЈАЛНА ЗАШТИТА

• Забен техничар

  Профилот Забен техничар низ четиригодишно образование стекнува знаења по општо-образовните и стручните предмети и практични умеења и вештини за изработка на:

  • тотални и парцијални акрилатни протези
  • скелетираи парцијални протези
  • едноделно леани протетички конструкции фасетирани со синтетски маси
  • инлеи, онлеи и леани надградби
  • соло коронки од метал керамика ( естетски коронки);
  • се грижи за правилно чување и одржување на апаратите и инструментите
  • администрирање, евидентирање и документирање на работни налози и материјали

  Можности за вработување Образовниот профил забен техничар може да да ги извршува работните задачи во заботехнички лаборатории во рамките на стоматолошки ординации и клиники, претставништва кои се занимаваат со производство и продажба на заботехнички инструменти и материјали. Работата е одговорна, бара многу знаење, вешти раце, самостојност , концентрација и внимание.

• Фармацевтски техничар

  Низ четиригодишно образование учениците стекнуваат знаења по општообразовните, стручните предмети и практични умеења и вештини. Практичната настава започнува во втора година.  Во склоп на практичната настава учениците се запознаваат со лековите кои ги изучуваат на теоретската настава.

  Преку практичната настава учениците се стекнуваат со следниве знаења:

  • Работа со лабораториски прибор
  • Подготовка на реагенси, раствори
  • Пребарување и употреба на фармакопеа
  • Идентификација, одредување на чистота на соединенија, како и нивна примена
  • Изработка на магистрални препарати за надворешна употреба
  • Сигнатура на препаратите
  • Микроскопска и макроскопска идентификација на дроги и др.

• Гинеколошко-акушерска сестра

Гинеколошко-акушерската сестра е здравствен работник кој применува општа и специјална здравствена нега во превентивни цели кај здрава женска популација, како и кај болни во дијагностички, терапевтски и рехабилитациони цели во примарна, секундарна и терциерна здравствена заштита. Сите овие тераписки постапки се прoпишани и одобрени од страна на високо образован медицински работник (лекар, специјалист), а за тоа пополнува работна документација.

Таа учествува во планирање и организирање на работата во гинеколошкоакушерската установа и ги координира активностите со здравствениот тим, пациентот и семејството. Во системот на примарна здравствена заштита организира и спроведува систематски и превентивни прегледи, здравствена едукација како дел од здравствениот тим. Му асистира на гинекологот при извршување на гинеколошки преглед, дијагностички иследувања и спроведување на контрацепциони методи, додека пак во системот на секундарна и терциерна здравствена заштита, таа реализира дијагностички и тераписки манипулации.

Организира и спроведува процес на породување на пациентки, активно учествува во сите периоди на раѓање, ги следи и згрижува потребите на родилката и новороденото во пуерпериум. Учествува во специјална нега на пациентки при гинеколошки заболувања и стерилитет во медицинска установа.

Во својата работа требува, складира и аплицира крв, крвни деривати и медикаменти, зема биолошки материјал за дијагностика по налог на лекар. Покрај тоа, користи основна медицинска апаратура, медицински инструменти, завоен материјал, средства за лична заштита и заштита на пациентите и околината.

Составен дел од нејзината работа е организација и учество во здравствена едукација чија цел е чување, унапредување и заштита на здравјето на жената и детето, како и превенција и полесно справување со болести. Секогаш дејствува професионално во рамките на надлежностите, следејќи ги релевантните стандарди и важечките протоколи, но истовремено се стреми кон личен професионален развој. Има навремен, совесен и одговорен пристап кон пациентите и работи во рамките на насоките за доверливост. Ја заштитува животната средина со правилно селектирање и соодветно отстранување на медицински и немедицински отпад

• Физиотерапевтски техничар

Физиотерапевти се здравствени работници кои применуваат кинезиотераписки и физикални постапки во превентивни цели кај здраво население, како и кај трауматизирани, ортопедски, ревматолошки, невролошки, интернистички хронични пациенти во
тераписки цели и рехабилитациони постапки, во примарна, секундарна и терциерна здравствена заштита. Сите овие тераписки
постапки се пропишани од страна на лекар специјалист, дипломиран физиотерапевт.
Во нивната работа применуваат физикални третмани какви што се: термотераписки, хидро и термо процедури, хидрокинетички методи како и електро, соно, фото, магнето терапија кои се дел од терапијата или профилаксата. Во тој процес, физиотерапевтот се
грижи за општата состојба на пациентот, врши проверка пред, во тек и по терапијата, ја спроведува терапијата и се грижи за апаратурата. Покрај тоа, тој обезбедува рачна и апаратурна масажа за здравствени, фитнес и рехабилитациони цели. Физиотерапевтот реализира групни вежби во кинези сала за одредена болест или состојба и индивидуални вежби под надзор на член од здравствениот тим. Изведува основни антропометриски мерења, ги бележи и го следи напредокот на пациентот. Тој ја планира и организира работата во просторијата за медицинска рехабилитација и ги координира своите активности со здравствениот тим, ги подготвува соодветните апарати, инструменти, материјали и помошни средства за успешно спроведување на физикалната и кинезиотераписка процедура, ја проверува нивната исправност и ги отстранува помалите недостатоци.
Уредно и прецизно води медицинска документација и евиденција и обработува податоци. Организира и учествува во здравствена едукација преку давање упатства, инструкции и препораки на пациент за одредени хигиенско-диететски мерки во тек и по спроведување на терапија, вежби и масажа како и запознавање на пациентот со физиотераписки и кинезиотераписки процедури пропишани од физијатар;
Физиотерапевтскиот техничар работи ефикасно како дел од тим и во секое време, дејствува во рамките на должностите делегирани од страна на физијатарот или дипломираниот физиотерапевт и под негов надзор. Има навремен, совесен и одговорен пристап кон пациентите и работи во рамките на насоките за доверливост. Секогаш дејствува во рамките на надлежностите, следејќи ги релевантните стандарди и важечките протоколи, но истовремено е во можност да направи ревизија на својот начин на работа со цел да ги подобри своите знаења. Ја заштитува животната средина од негативните влијанија на искористените здравствени материјални средства.