Во СОУ „Јосиф Јосифовски“ од Гевгелија продолжува уредувањето на спортските терени. Во изминатиот период беше поставена патека за влез на учениците од оваа североисточна страна, а истовремено беше нанесена земја за исполнување и порамнување на просторот во должина на зградата на Училиштето.
Од страна на Општина Гевгелија поставени се две кошаркарски табли, а со сопствени средства Училиштето изврши бојосување на кошаркарското и ракометарското игралиште.Поставувањето на таблите беше извршено од вработените лица од ЈПКД „Комуналец“ од Гевгелија.
За наредниот период предвидено е да се постават метални ракометарски стативи со цел комплетирање и осовременување на просторот.
Доколку дозволат временските услови ќе се продолжи и со хортикултурно уредување на останатиот простор.