Катерина Петковска го заврши средното училиште во Гевгелија, во СОУ „Јосиф Јосифовски“, во општествено-хуманистичката насока. За деновите поминати во ова училиште, Петковска вели дека сите професори се труделе да го предадат својот материјал на најдобар и наједноставен начин, кој ќе го разберат сите ученици, сето тоа проследено со примери од секојдневието.
Токму тој труд, истакнува Петковска, беше моја поткрепа да го продолжам своето образование и да ги завршам студиите по архитектура во Скопје, и конечно да магистрирам. Го одбрав овој факултет бидејќи архитектурата е еден спој на уметноста, на техниката и на историјата.