На 14.02.2026 година се одржа Регионалниот натпревар по математика во СОУ„Богданци“ во Богданци на кој земаа учество околу 70 ученици од средните училишта од Велес, Кавадарци, Струмица, Гевгелија, Богданци и Валандово, а кои беа најдобри на претходно одржаните општински натпревари.

Од  СОУ „Јосиф Јосифовски“ од Гевгелија, пласман на државниот натпревар остварија учениците: Стефан Младеновски од III година, ментор  Јасмина Папалазова, кој освои втора награда и Дони Накова од I година, ментор Сашо Папалазов, која освои трета награда.

На регионалниот натпревар учествуваа и учениците: Илија Пандев од I година, ментор Сашо Папалазов и Илија Икономов од II година, ментор Русица Атанасова.

На наградените им  го честитаме успехот и им посакуваме уште многу натпревари и награди, а пред се, успех на претстојниот Државен натпревар по математика, кој ќе се одржи на  7.3.2026 година во просториите на Природно-математичкиот факултет во Скопје.

На  12 март 2022 година, СОУ„Јосиф Јосифовски“ од Гевгелија беше домаќин на 45-от Регионален натпревар по математика за учениците од средните училишта, во организација  на Сојузот на математичари на Македонија.

На натпреварот учествуваа  51 ученик од прва до четврта година, од гимназиските и стручните училишта  од општините: Велес, Кавадарци, Неготино, Валандово, Богданци и Гевгелија.

За организацијата на натпреварот беа задолжени: директорката Марија Танева, активот по математика, дел од останатиот наставниот кадар (кои се вклучија како тестатори) и претставникот од СММ,  Стево Ѓоргиев, асистент на Природно-математичкиот факултет во Скопје, кој како наш поранешен ученик, беше  редовен  учесник на  регионалните и државните натпревари по математика, воедно свеоевремено и ученик на генерацијата во СОУ „Јосиф Јосифовски“.