Со скромна свеченост во просториите на СОУ „Јосиф Јосифовски“ беше отворена првата медијатека, односно библиотечно информациски центар во Гевгелија. Во присуство на вработените и учениците, медијатеката и реновираната библиотека за отворени ги прогласи в.д. директорот Тони Аврамов.
„Денес, рече Аврамов, го отвараме храмот на големата желба-желбата да ја вратиме книгата во нашиот ден, таму каде што припаѓа-во нашите навики. Во нашата жед по неа.
Реновирањето на училишната библиотека и отворањето на новиот простор како медијатеката се предизвик за сите нас да сфатиме дека „книгите ја бришат прашината на душата од секојдневието на животот, и ни го разбиструва погледот не само во сегашноста туку и кон иднината.“
„Ова е само почеток, нагласи Аврамов, на нашето вклучување во осовременувањето на нашата библиотека, и да се обврземе да ја вмрежиме со нејзиниот целокупен книжен фонд од 13.625 наслови, во интернационалниот информациски систем Cobiss.
Инаку, Медијатеката е дизајнирана од Катерина Рамаданова Танушев и Емилија Караколева, а изведувач на проектот е Риви дизајн, под раководство на Виктор Костадинов.
Мислите напишани на ѕидот се дело на ученичките Марија Панева, Пепица Дојчинова, Јована Магдинчева и Нена Стојковска, под менторство на професорката Розета Картова
