На 19.11.2024 година, во организација на асоцијацијата „Еврокласика“, чиј член е здружението на класични филолози „Антика“, се организираше натпревар на меѓународно ниво по класичните јазици EGEX (старогрчки) и ELEX (латински јазик). Натпреварот се состоеше од 40 прашања од граматика, цивилизација, историја и култура, а беше организиран во 33 земји од Европа.
СОУ „Јосиф Јосифовски” е добитник на три награди. На натпреварот ELEX Vestibulum (латински јазик) ученичките Јована Ѓореска и Бојана Басова го достигнаа највисокото ниво и се закитија со златна диплома, а ученикот Илија Велков доби сребрена диплома. Ментор на учениците е професорката по латински јазик Мирјана Чамџиќ.