Тијана Атанасова од СОУ „Јосиф Јосифовски“ од Гевгелија, под менторство на професорката Александра Ќаева е една од добитничките на конкурсот по повод 80 години од кодификацијата на македонскиот стандарден јазик, кој го објави МОН на 5 мај, кога и се одбележува Денот на македонскиот јазик. Наградата на Тијана, но и на останатите добитници лично им ги честита министерката за образование и наука Проф д-р Весна Јаневска. Покрај Тијана добитници се и: Лука, Рига, Ива, Тијана, Аљдин и Ерина во две категории, за основно и за средно образование.
Јазикот е душата и идентитетот на еден народ, симбол на индивидуалноста и уникатноста. Оттука, исклучително важно е да го почитуваме и да продолжиме да се грижиме за развојот на македонскиот, но и на сите други јазици на кои говорат граѓаните на Македонија, истакна министерката Проф д-р Весна Јаневска.
