Во рамки на Медиумскиот ден 100-тина средношколци од различни градови да посетија неколку медиуми (телевизија, радио, онлајн медиум и весник) со цел младите на непосреден начин да се запознаат со улогата на медиумите во општеството, новинарските стандарди, како и со начинот на подготовката на информативните содржини во редакциите.
Првата посета учениците од СОУ „Јосиф Јосифовски“ ја направија во редакцијата на веб-порталот „Телеграф“ запознавајќи се со работата и начинот на создавање информација.
Втората посета се реалзираше во телевизијата „РТВ 21“ каде учениците беа воодушевени од начинот на работа, но имаа можност и самите преку вежба да направат редослед на новинарски прилози во вести со помош на главниот уредник на телевизијата Васко Меглешов.
Радио „МОФ“ беше последниот медиум за посета. Техничките лица од радиото реалзиираа неколку прилози со учениците кои ги монтираа, а некои и јавно ги емитуваа.
По посетите во редакциите, Високата школа организира и дебата посветена на трендот за пласирање лажни вести на интернет и како младите да умеат да препознаат вакви содржини.
Медиумскиот ден за средношколци е организиран во рамките на проектот „Медиумска писменост во ера на наплив на информации: Коалиција за медиумска и информациска писменост“, којшто Високата школа за новинарство и односи со јавноста го спроведува во партнерство со Нова Македонија и Институтот за различности во медиумите од Лондон, а е поддржан од Европската Унија.
