На 6.12.2017год.(среда) во СОУ„Јосиф Јосифовски“-Гевгелија се одржа државниот натпревар „Лидер на струка“ 2017 година за угостителско-туристичката струка во организација на Министерството за образование, Центарот за стручно образование и обука и училиштето -домаќин. Се натпреваруваат ученици од угостителско-туристичката струка од образовните профили: хотелско-туристички техничар, угостителски техничар, готвач, келнер и слаткар.
На натпреварот учествуваат вкупно седум училишта од Македонија и тоа: СОУ„Јосиф Јосифовски“-Гевгелија, СОУ „Лазар Танев“-Скопје, СОУ “Наум Наумоски Борче” Крушево, СОУ „Коле Нехтенин“ – Штип, СОУ „Ѓорче Петров“ – Крива Паланка, СОУ „Коле Неделковски“ – Велес и ОУТУ „Ванчо Питошески“ – Охрид.
Учениците се натпреваруваат во две фази: писмен тест и практична задача, соодветни за образовните профили од угостителско-туристичката струка.