Способноста за заедничко музицирање е секогаш круна на способноста и зрелоста на личноста за професионалноста во својата област.
Хорот на СОУ „Јосиф Јосифовски“ ја продолжи традицијата на најградуван училишен хор во Р Македонија. На овогодинешниот државен натпревар во хорско пеење, средношколскиот мешан хор под менторство на професорот Илија Атанасов повторно го освои првото место.
Средношколскиот хор на „Јосиф Јосифовски“-Гевгелија не е само сведок за квалитетот, зрелоста и ефикасноста и популарноста на училиштето, туку денес навистина е репрезент на уметноста и културата на училиштето, но и на државата.