На 2.11.2017, во Велес, беа одбележани јубилејните 50. Детски Рацинови средби. Одбележувањето на овој значаен јубилеј, во организација на Клуб на писатели „Коста Солев Рацин“ и општина Велес, опфати широка програма со голем број учесници и добитници на наградени творби од ученици во литературен конкурс за најдобра песна и ликовен конкурс за најдобар цртеж. Темата и на двата конкурса беше „Мојот град – моја инспирација“.
Атанас Атанасов I4, ментор – проф. Жаклина Атанасова ја доби првата награда на литературниот конкурс, во категoријата за најдобра песна. Свеченоста за доделување награди започна со поетска работилница со детскиот автор Горјан Петревски, а продолжи со поетско-музичка манифестација на којашто свечено беа прогласени победниците од натпреварите на 50. Детски Рацинови средби.
Во состав на оваа манифестација беше одржана и ликовна работилница со Живко Попоски Цветин, кој со Цветен воз пристигна во градот Велес, заедно со учесници на настанот.