На 17.3.2017год.(петок) во СОУ “Јосиф Јосифовски“ се одржа првата дисиминација од проектот „Воведување во е-бизнис“ во рамки на програмата Еразмус+.
Проектот опфати двонеделна мобилност во Даблин, Ирска, а партнер организација на проектот е ДРЛ со долгогодишно искуство во полето на економскиот и социјалниот развој, подобрувањето на бизнис климата и странските директни инвестиции.
Пред почетокот на дисиминацијата директорот на СОУ„Јосиф Јосифовски“-Гевгелија, г. Борче Нечевски имаше поздравен говор при што ја истакна целта на проектот и ги потенцираше стекнатите знаења на учениците за предизвиците на е-бизнисот и клучните моменти од влијанието на технолошките аспекти при изработката на бизнис план.
Дисиминацијата се одвиваше во два дела. Во првиот дел се презентираа културолошките аспекти на Даблин, како и основните предуслови за развивање на е-бизнис стратегија.
Исто така се презентираа клучните елементи на економијата на Ирска, позитивните страни на веб дизајнот, стартап програмите на банката на Ирска, националниот центар за дигитални истраќувања, позитивните можности кои ги нудат стартап викендите во Гугл, како и примерите за успешен е-бизнис план преку искуствата на познати претприемачи од Даблин и нивните пораки до ученциите во рамки на двонеделните работилници и студиски посети.
Преку успешните примери на Нјугрејнџ, Хоуф и музејот „Даблина“ се истакнаа основните предуслови за креирање на е-бизнис е-туристички бизнис и улогата на е-маркетинг и е-промоција во стратегијатата на е-бизнисот. Имено, присутните гости имаа можност да ги разберат разликите меѓу традиционалниот бизнис модел и моделот Канвас, позитивните страни од креирање на е-бизнис стратегија со цел да се одговори на барањата на потрошувачите .
Во вториот дел од презентацијата се презентираа бизнис плановите кои се развиваа во работилниците во Даблин на сите четири тима на ученициите со своја развиена е-бизнис стратегија која беше развиена во рамки на двонеделната практична обука во Даблин.
Дисиминација заврши со поттикнување на публиката за инвестирање во идеите како најголем капитал , а воедно извор на иновација и клучен момент на сите човечки проемени и прогрес.
Фотографиите од дисиминацијата се достапни на фејсбук страната на проектот: