Во рамки на проектот„ Воведување во електронски бизнис“ дваесет и седум ученика од образовниот профил економски техничар од СОУ„Јосиф Јосифовски“-Гевгелија беа на двонеделна обука во Даблин, Република Ирска. Проектот е дел од програмата Еразмус+ на Националната агенција за европски програми и мобилност, а како партнер организација е компанијата ДРЛ претставена преку менаџерите Дејвид и Франсиз Бенкс кои имаат долгогодишно искуство во полето на економскиот и социјалниот развој, подобрувањето на бизнис климата и странските директни инвестиции, промоција на извозот, претприемништвото,туризмот и регионализацијата.
Целта на проектот е учениците да се стекнат со знаење за предизвиците на е-бизнис компании и значењето на е-бизнис алатките во подобрувањето на бизнис процесот и пронаоѓањето на нови пазари.
Расел Бенкс и Марк Рабатхан беа главните предавачи на практичната обука, кои со своето долгогодишно искуство во сферата на е-бизнисот придонесоа учениците да ги увидат клучните точки за патот кон успехот на сите оние кои сакаат да започнат со развивање на е-бизнис план. Преку интерактивни и креативни работилници тие се стекнаа со знаење за разликата меѓу традиционалниот бизнис модел и моделот Лин Канвас и како да креираат е-бизнис стратегија со цел да одговорат на барањата на потрошувачите.
Други предавачи на обуката беа искусни претприемачи од различни сфери преку своите искуства ги објаснија предизвиците на е-бизнисот и клучните моменти од влијанието на технолошките аспекти при изработката на бизнис план. Учениците беа поделени во четири бизнис тима и во текот на изминатите две недели врз основа на темите од практичната обука ги усовршуваа своите е-бизнис идеи.
Програмата на проектот опфати и студиски посети во Гугл, банката на Ирска и бизнис инкубаторот во Даблин. Учениците имаа уникатна можност да се запознаат со структурата, организираноста и начинот на функционирање на Гугл, а воедно да научат за платформата и програмите кои ги нуди Гугл за сите кои сакаат да почнат електронски бизнис. Од големо значење беше присуството на на настанот за почетни бизниси познат како стартап викенд токму поради фактот што најдобрите десет е-бизнис плана имаа прилика да ги убедат потенцијалните инвеститори за успешноста на својата бизнис идеја. Студиската посета на банката на Ирска и бизнис инкубаторот опфати стекнување на знаење за програмата и консултанските услуги на банката и бизнис инкубаторот за почетните е-бизниси и придобивките од целокупната соработка меѓу почетните бизниси и овие две институции.
Во рамки на проектот се реализираа и културолошки посети на музејот Даблина, селцето Хоуф и археолошкиот музеј Нјугрејнџ со цел стекнување знаење за основните предуслови за креирање на е-бизнис е-туристички бизнис и улогата на е-маркетинг и е-промоција во стратегијатата на е-бизнисот. Преку проектот исто така се усовршија и јазичните компетенции на учениците.
После реализираната мобилност се предвидени неколку десиминации на стекнатите знаења и вештини од мобилноста во Ирска, кои ќе придонесат да се симулираат клучните аспекти на електронскиот бизнис и креирањето на успешна е-бизнис стратегија и можноста за прилагодување на програмите за почетен бизнис во Македонија.