На 30.12.2016год. (петок) во организација на СОУ„Јосиф Јосифовски“-Гевгелија се одржа новогодишното музичко-сценско шоу „Лице + Лице“ . На шоуто настапи училишниот хор и вокално-пејачката група „Ројалс“ и се изведе театарската претстава „Чорбаџи Теодос“од Васил Иљоски. Како гости на шоуто беа Петар Узунов и Теодора Атанасова, поранешни ученици на СОУ„Јосиф Јосифовски“-Гевгелија и учесници на претходни театарски-музички изведби на училишните претстави. 
Во рамки на новогодишното музичко-сценско шоу се промовираше и училишниот весник на СОУ„Јосиф Јосифовски“-Гевгелија, можност за осврт на сите успеси и активности на учениците и професорите од изминатата учебна година.
