За околу 280.000 основци и средношколци денеска завршува учебната 2014/2015 година и почнува летниот распуст. Летниот распуст започнува и за околу 2500 ученици од гевгелиските основни училишта и средното училиште.
Воедно, денеска е и последниот ден од годинашното екстерно тестирање, со кое во изминатите девет дена беа опфатени вкупно 183.280 ученици и 17.803 наставници.
Матурантите ги очекува полагање државна матура кое почнува утре со тестирањето по мајчин јазик и литература.
За полуматурантите, пак претстои запишување во средно образование кое е задолжително. Првото пријавување во јунскиот уписен рок е на 22-ри и 23 јуни.
За таа намена, тимот на gvglive.mk во соработка со информатичкиот тим при СОУ „Јосиф Јосифовски“ – Гевгелија изработија калкулатор каде што можете да си ги пресметате вашите бодови за упис во средното училиште.