Учениците Динова Росана , Иванов Љубомир и Арнаудов Коста од СОУ„Јосиф Јосифовски“-Гевгелија под менторство на професорката Роза Танева го освоија второто место на 8-от по ред регионален натпревар по петанк. Натпреварот е во рамки на спортската манифестација „Pétanque à Bitola 2016″ и е организиран од страна на СОУ „Јосип Броз Тито“ -Битола во соработка со Здружението на професори по француски јазик на РМ и Националната комисија за франкофонија во Македонија.
Натпреварот во петанк се организира во рамки на прославување на деновите на Франкофонијата. Како спортска манифестација е малку поразлична од другите активности поврзани со францускиот јазик. На оваа манифестација се стекнуваат нови пријателства помеѓу младите франкофони од нашата држава и се изучува вокабуларот поврзан со спортот, особено со петанкот, како и правилата на игра.