УЦ "Јосиф Јосифовски"

УГОСТИТЕЛСКО – ТУРИСТИЧКА СТРУКА

Угостителско – туристичката струка е основана во 1978 година за едукација и обука на кадри за потребите на пазарот на трудот од угостителско-туристички работници во југоисточниот дел на Македонија.
Во почетокот од своето постоење овде се едуцирале кадри само за тригодишно школување преку профилите готвач и келнер.
Од 1989 година се отвора и профилот хотелско-туристички техничар со четири годишно школување.

Училиштето располага со современо опремена кујна и ресторан за потребите на учениците кои овде ја изведуваат практичната настава. Истите простории се користат и за стопанисување, за потребите на локалното население и пошироко се даваат комплетно угостителски услуги, во кои активно се вклучени и учениците.
Во училиштето се вработени стручни кадри кои професионално се занимавале со угостителско-туристичка дејност пред да бидат вработени како наставници.
Учеството на многу натпревари на државно ниво, а своевремено и на сојузно, го покажуваат големиот број на освоени награди и признанија од учениците.

Покрај едукацијата и обука на кадри училиштето учествува во помагање при организацијата на работа на угостителско-туристички претпријатија од општината и пошироко. Соработката со нив е постојана и училиштето во таа смисла има голем број на професионални соработници. Тие се нашите сознанија, дека на патот до подобар квалитет не сме сами.

Број на ученици запишани во учебната 2004-2005 година

	Прва година	Втора година	Трета година	Четврта година
Хотелско-туристички техничар	35 FARE програма	35 FARE програма	31	/
Келнери	28	23	21	/
Готвачи	54	63	51	/
Вкупно	117	121	103	31